नेपालीमा हदीस संग्रह

#महत्व       लैलतुल् कद्र (कद्रको रात) को महत्व वर्ष भरिका अन्य सम्पूर्ण रातहरुभन्दा बढी छ । अल्लाह तआलको भनाई छ  “निसन्देह हामीले यस (कुरआन) लाई कद्रको रातमा अवतरण गर्यौं । र कद्रको रात के हो तिमीलाई के थाहा ? कद्रको रात हजार महिनाभन्दा पनि उत्तम छ ।”  १) अबू हुरैरह (रजि.) को भनाई अनुसार अल्लाहका रसूल (स.) ले भन्नु भयो “जो व्यक्ति आस्थाका साथ र पुण्य प्राप्तिको नियतले कद्रको रातमा कियाम गर्छ (रातभरी अल्लाहको उपासना गर्छ) उसका अतीतका सारा (साना) पापहरु क्षमा गरिदिइनेछ । (बुखारी , अबू दाऊद , अह्मद , नसई , इब्ने माजा)  २) आइशा (रजि.) को भनाई अनुसार अल्लाहका रसूल (स.) सँग सोधियो “हे अल्लाहका रसूल ! यदि मैले कद्रको रात पाएँ भने (त्यस रात) कुन दुआ गरुँ ?” उहाँ (स.) ले भन्नुभयो “तिमी यो दुआ गरः  اَللّٰهُمَّ اِنَّكَ عَفُوٌّ تُحِبُّ الْعَفْوَ فَاعْفُ عَنِّيْ.   अर्थः हे अल्लाह ! तिमी क्षमाशील छौ , क्षमा गर्न मन पराउँछौ तसर्थ तिमी मलाई क्षमा गर । (अह्मद , नसई , इब्ने माजा , तिर्मिजी)

#संभोग गर्नु जो व्यक्ति रमजानको महिनामा दिनमा जानाजानी संभोग गर्छ उसको रोजा टुट्छ र उसमाथि कजा एवं कफ्फारा दुबै अनिवार्य हुन्छ भन्ने विषयमा लगभग सबै जनाको सहमति छ । १) अबू हुरैरह (रजि.) को भनाई अनुसार एक जना व्यक्ति अल्लाहका रसूल (स.) समक्ष उपस्थित भएर भन्यो “हे अल्लाहका रसूल ! म बर्बाद भएँ ” । उहाँ (स.) ले सोध्नु भयो , “ के भयो , तिमी किन वर्वाद भयौ ?” उसले भन्यो “मैले रमजानमा आफ्नी पत्नीसँग संभोग गरें ।” उहाँ (स.)ले भन्नुभयो “के तिमी एउटा दास मुक्त गर्न सक्छौ ?” उसले जवाफ दियो “सक्दिन” । उहाँ (स.) ले भन्नुभयो “त्यसो भए , के तिमी लगातार दुई महिना रोजा राख्न सक्छौ ?” उसले जवाफ दियो “सक्दिन” । उहाँ (स.) ले भन्नुभयो “त्यसो भए , के तिमी साठी जना गरीब तथा अभाव ग्रस्तहरुलाई खाना खुवाउनु सक्छौ ?” उसले जवाफ दियो “सक्दिन” । अनि त्यो व्यक्ति अल्लाहको रसूल (स.) समक्ष केही बेर बसिरह्यो । त्यति नै बेला उहाँ (स.) समक्ष एउटा बोरा ल्याइयो जसमा सुकेका खजुरहरु थिए । उहाँ (स.) ले त्यस व्यक्तिलाई भन्नुभयो , “ हेर ती खजुरहरुलाई सदका गरिदेऊ ।” उसले भन्यो , “ के म भन्दा बढी अभाव ग्रस्तमा...