*प्रत्येक उपासनाको लागि नियत गर्नु अनिवार्य छ । हनफी विद्वानहरुको अनुसार नियत (संकल्प गर्नु) नमाजको सर्तहरु मध्येको एक हो, फर्ज होईन । स्मरण रहोस् कि सर्त र फर्जमा फरक भनेको केवल सोँचको मात्र छ । नियतलाई मौखिक रुपले भन्नु कसैको अनुसार पनि अनिवार्य छैन । (इब्ने तैमिया (रह.) । तर नमाजको लागि नियत मौखिक रुपले गर्नू हम्बली र शाफिई बिद्वानहरुका अनुसार सुन्नत हो । मालिकी विद्वानहरुका अनुसार उत्तमको विपरित हो र हनफी विद्वानहरुको अनुसार बिद्अत् (इस्लाममा नयाँ कुरालाई उत्पन्न गर्नु जसको इस्लाममा कुनै स्थान छैन र यसो गर्नु पापको भागेदार हुनु) हो । तर यदि नमाजीको मनमा भ्रम छ भने मौखिक नियत गर्ने अनुमति छ । (अल्–फिक्ह अला अल्–मजाहिब अल्–अर्बआ) १) अली (रजि.) को भनाई अनुसार अल्लाहका रसूल (स.) ले भन्नुभयो, “नमाजको साँचो पवित्रता हो, साधारण अवस्थाबाट वर्जित हुने कार्य “अल्लाहु अकबर” भन्नु हो र त्यस वर्जित अवस्थाबाट मुक्त हुने कार्य सलाम फेर्नु हो । (शाफिई (रह.), अह्मद (रह.), अबू दाऊद, इब्ने माजा, तिर्मिजी) *हनफी विद्वानहरुका अनुसार “तक्बीर तह्रीमा” नमाजको सर्त हो, फर्ज होईन । त्...
नेपाली भाषीहरूका लागि अल्लाहका रसूल (स.) का अमूल्य हदीसहरूको नेपाली अनुवाद।