१) अबू सईद खुद्री (रजि.) को भनाई छ कि दुई जना यात्राको लागि निस्किए । जब नमाजको समय भयो तब दुबैसित पानी थिएन । दुबैले पवित्र माटोले तयम्मुम् गरे र नमाज पढे । अनि नमाजको समय सकिनुभन्दा पहिले दुबैले पानी भेटाए । एकजनाले वुजु गरेर दोस्रो पल्ट नमाज पढ्यो र अर्कोले यसो गरेन । अनि जब दुवै अल्लाहका रसूल (स.) को समक्ष आए अनि उहाँ (स.) सँग यसको विषयमा सोधे । जसले नमाजलाई दोहोर्याएको थिएन उसलाई अल्लाहका रसूल (स.) ले भन्नुभयो, “तिमीले सुन्नतको अनुसार कार्य गर्यौ । तिम्रो नमाज पुरा भयो । अनि अर्कोलाई भन्नुभयो “तिम्रो लागि दोहोरो प्रतिदान रहेको छ । (अबू दाऊद, नसई)
१) यजीद बिन अस्वद (रजि.) भन्छन्, “म हजको बेला अल्लाहका रसूल (स.) सँग थिएँ । मैले बिहानको नमाज उहाँ (स.) सँग खैफ मस्जिदमा पढें । उहाँ (स.) ले सलाम फेरे पछि दुई जनालाई सबैजनाको पछाडि उभिएको देख्नुभयो जसले उहाँ (स.) सँग नमाज पढेका थिएनन् । उहाँ (स.) ले भन्नुभयो “उनीहरुलाई म समक्ष लिएर आऊ ।” उनीहरुलाई ल्याए पछि उनीहरु डरले कापिरहेका थिए । उहाँ (स.) ले उनीहरुसँग सोध्नुभयो, “तिमी दुवैजनाले हामीहरुसँग नमाज किन नपढेको ?” उनीहरुले जवाफ दिए “हे अल्लाहका रसूल ! हामीहरु आफ्नो घरमा नमाज पढेर आएका थियौं ।” उहाँ (स.) ले भन्नुभयो “यसो नगर, यदि तिमीहरु घरबाट नमाज पढेर मस्जिद आउँदा मस्जिदमा नमाज भईरहेको छ भने तिमीहरु पनि जमाअतमा सामेल होऊ । यो नमाज तिमीहरुको लागि नफ्ल नमाज हुनेछ ।” (अह्मद, अबू दाऊद, तिर्मिजी, नसई, दार कुत्नी, इब्ने हिब्बान, हाकिम) २) अबू जर (रजि.) भन्छन्, “ अल्लाहका रसूल (स.) ले मलाई भन्नुभयो, ‘यदि तिमीहरुमाथि यस्ता शासकहरुले प्रधानता प्राप्त गरे जो नमाजलाई उसको समयभन्दा ढीला पढ्छन् भने तिमीहरुको अवस्था त्यतिबेला कस्तो हुने होला ?’ मैले भनें, ‘त्यसो भए तपाई मलाई ...
टिप्पणियाँ