नेपालीमा हदीस संग्रह

१) इब्ने उमर (रजि.) को भनाई अनुसार कसैले अल्लाहका सन्देष्टा (स.) सित सोध्यो “म जहाजमा कसरी नमाज पढुँ ?” अल्लाहका सन्देष्टा (स.) ले जवाफ दिनुभयो “उभिएर नमाज पढ यदि तिमीलाई ढल्ने आशंका छैन भने (अन्यथा बसेर नमाज पढ) ।” (दार कुत्नी , हाकिम)

१) इम्रान बिन हुसैन (रजि.) को भनाई छ , “ मलाई पाइल्स भएको थियो । मैले अल्लाहका रसूल (स.) सँग सोधें “नमाज कसरी पढ्ने ?” उहाँ (स.) ले भन्नुभयो “उभिएर नमाज पढ् यदि यसको सामथ्र्य छैन भने बसेर नमाज पढ । र यदि यसको पनि सामथ्र्य छैन भने आफ्नो दाहिनेतर्फ पल्टेर नमाज पढ ।” (बुखारी , अबू दाऊद , तिर्मिजी , नसई , इब्ने माजा) नसईमा यो वाक्य बढी उल्लेख भएको छ “र यदि यसको पनि सामथ्र्य छैन भने सीधा पल्टेर नमाज पढ । अल्लाह तआला कुनै प्राण माथि उसको सामथ्र्य भन्दा अधिक भार (जिम्मेवारी) राख्दैनन् ।” २) अली (रजि.) को भनाई अनुसार अल्लाहका रसूल (स.) ले भन्नुभयो “बिरामीले उभिएर नमाज पढ्नुपर्छ यदि ऊ यसको सामथ्र्य राख्छ भने र यदि यसको सामथ्र्य राख्दैन भने बसेर नमाज पढ्ने । यदि ऊ सज्दा गर्ने सामथ्र्य राख्दैन भने टाउकोले इशारा गर्ने र आफ्नो सज्दा गर्दा रुकूको तुलनामा अलि बढी झुक्ने । यदि ऊ बसेर नमाज पढ्ने सामथ्र्य राख्दैन भने किब्लातिर फर्केर आफ्नो दाहिनेतिर पल्टेर नमाज पढ्ने । यदि दाहिनेतिर पल्टने पनि सामथ्र्य छैन भने सिधा पल्टेर खुट्टाहरुलाई किब्लातिर गरेर नमाज पढ्ने ।” (दार कुत्नी) । यो हदीस कमजोर श्रेण...

केही अवस्थाहरुमा जोहर र अस्रका नमाजहरुलाई (जोहर वा अस्रको नमाजको समयमा) र मग्रिब र इशाका नमाजहरुलाई (मग्रिब वा इशाको नमाजको समयमा) जमअ् गरेर पढ्ने अनुमति रहेको छ। ***हिज्जतुल् विदाअ् (उहाँ (स.) को अन्तिम हज) को अवसरमा अल्लाहका रसूल (स.) ले अरफातमा जोहर र अस्रका नमाजहरुलाई जोहरको समयमा र मुज्दल्फामा मग्रिब र इशाका नमाजहरुलाई इशाको समयमा एकै पटक (जमअ् गरेर) पढ्नु भएको थियो । तसर्थ यसो गर्नु सुन्नत हुने विषयमा कसैको पनि मत भिन्नता रहेको पाइदैन । १) इब्ने अब्बास (रजि.) भन्छन् “के म तिमीहरुलाई अल्लाहका रसूल (स.) को नमाजको विषयमा वर्णन गरुँ ?” सबैजनाले भने “अवश्य” । उनले भने “यदि अल्लाहका रसूल (स.) (यात्रामा निस्कनु भन्दा पहिले) घरैमा हुँदा मध्यान्ह भइसक्थ्यो भने उहाँ (स.) यात्रा सुरु गर्नुभन्दा पहिले जोहर र अस्रको नमाजलाई जमअ् गरेर (जोहरको समयमा) पढ्नु हुन्थ्यो तर यदि घरमा हुँदा (यात्रामा निस्कनु भन्दा पहिले) मध्यान्ह भएको हुँदैनथ्यो भने उहाँ (स.) यात्राको लागि निस्कनु हुन्थ्यो र जुन ठाउँमा पुग्दा अस्रको नमाजको समय हुन्थ्यो त्यहीँ जोहर र अस्रका नमाजहरुलाई जमअ् गरेर पढ्नु हुन्थ्य...

१) अबू हुरैरह (रजि.) को भनाई अनुसार अल्लाहका रसूल (स.) सँग सोधियो कि फर्ज नमाज पछि कुन नमाज सबैभन्दा उत्तम छ  ? “ उहाँ (स.) ले भन्नुभयो , “ आधा रातको नमाज (अर्थात तहज्जुद) ।” (मुस्लिम , अबू दाऊद , तिर्मिजी , नसई , इब्ने माजा) २) अबू उमामा (रजि.) को भनाई अनुसार अल्लाहका रसूल (स.) ले भन्नुभयो , “ तिमीहरु रातमा कियाम गर (तहज्जुदको नमाज पढ) । किनकि तिमीहरु भन्दा पहिलेका असल भक्तहरुको यस्तो बानी थियो । (तहज्जुद पढ्नु) आफ्नो पालनकर्ताको निकटता प्राप्त गर्नु हो , यसले तिमीहरुको कुकर्मलाई मेटिदिन्छ र तिमीहरुलाई पापबाट बचाउँछ ।” (तिर्मिजी) ३) मुगीरा (रजि.) को भनाई अनुसार अल्लाहका रसूल (स.) ले राती कियाम गर्नुभयो र (यति लामो नमाज पढ्नुभयो कि) उहाँ (स.) का दुबै खुट्टाहरु सुन्निए । सहाबीहरु (रजि.) ले उहाँ (स.) सँग सोधे “हे अल्लाहका रसूल ! तपाईको त पहिले र पछिका सम्पूर्ण पापहरु क्षमा गरिएका छन् फेरी पनि तपाई किन यसो गर्नु हुन्छ ?” उहाँ (स.) ले भन्नुभयो , “ के म आफ्नो पालनकर्ताको आज्ञाकारी भक्त नबनुँ ?” ( बुखारी र मुस्लिम) ४) अबू दर्दा (रजि.) को भनाई अनुसार अल्लाहका रसूल (स.) ले भन...

१) यअ्ला बिन उमैया (रजि.) भन्नु हुन्छ , मैले उमर बिन खत्ताब (रजि.) लाई भनें “किन यस्तो हो कि सबैजना अहिले सम्म यात्राको बेलामा कस्र गरि रहेका छन् जबकि अल्लाह भन्छन् ‘र तिमीहरु यात्रामा निस्कँदा यदि काफिरहरुद्वारा सताइने भय हुन्छ भने तिमीहरुले “नमाजे कस्र” पढ्दा कुनै दोष छैन’ तर आज भयको अवस्था बाँकी रहेको छैन ?” उमर (रजि.) ले भन्नुभयो “जुन कुराले तिमीलाई आश्चर्य चकित तुल्याएकोे छ सोही कुराले मलाई पनि अचम्मित पारेको थियो अनि मैले अल्लाहका रसूल (स.) लाई यस विषयमा सोधें । उहाँ (स.) ले भन्नुभयो “यो एउटा सदका (दान) हो जुन अल्लाहले तिमीलाई दिएका छन् । तसर्थ तिमी यस सदकालाई स्वीकार गर ।” (बुखारी , मुस्लिम , अह्मद , अबू दाऊद , तिर्मिजी , नसई , इब्ने माजा) २) आइशा (रजि.) को भनाई छ , “ मक्का मुअज्जमामा दुई रकअत नमाज अनिवार्य गरिएको थियो । अनि अल्लाहका रसूल (स.) मदीना मुनव्वरा आएपछि उहाँ (स.) ले प्रत्येक दुईरकअतहरु सँग दुई रकअतहरु बढाई दिनुभयो । तर मग्रिब नमाजमा कुनै रकअत थप्नु भएन किनकि यो दिनका नमाजहरुको वित्र हो र बिहानको नमाज पनि थप्नु भएन किनकि यस नमाजको किराअत लामो हुन्छ । तर अल्लाहका ...

१) अनस (रजि.) को भनाई अनुसार अल्लाहका रसूल (स.) मक्काबाट मदीना पुगेपछि मदीनाका मानिसहरुले वर्षमा दुई दिन खेल्न र रमाउनको लागि निश्चित गरेको उहाँ (स.) ले देख्नुभयो । उहाँ (स.) ले सोध्नु भयो “यी दुबै दिनहरु कस्ता हुन् ? “ सबैजनाले जवाफ दिए , “ अज्ञानताको समयमा हामी यी दुबै दिनहरुमा खेल्थ्यौं र रमाउँथ्यौं ।” उहाँ (स.) ले भन्नुभयो “अल्लाह तआलाले तिमीहरुको लागि यी दुई दिनहरुभन्दा उत्तम दुई दिनहरु प्रदान गरेका छन् । एउटा इदुल् फित्रको दिन र दोस्रो ईदुल् अज्हाको दिन ।” (अबू दाऊद) २) आइशा (रजि.) भन्छिन् “ईदको दिन हब्शीहरु अल्लाहका रसूल (स.) अगाडि खेलिरहेका थिए । म उहाँ (स.) को काँधको माथिबाट हेर्न थालें अनि उहाँ (स.) ले आफ्नो काँधलाई अलि तल गरिदिनुभयो । अनि उहाँ (स.) को काँधको माथिबाट हेरिरहें यहाँसम्मकि मलाई हेर्न पुगेपछि र म फर्केर गएँ । (बुखारी , मुस्लिम , अह्मद) ३) जअ्फर बिन मुहम्मद (रजि.) ले आफ्नो बाबुको माध्यमबाट आफ्नो हजुरबाद्वारा उल्लेख गरे अनुसार अल्लाहका रसूल (स.) प्रत्येक ईदको दिन आफ्नो जरी ओढ्नी (यमनको एउटा उत्कृष्ट ओढ्नी) ओढ्नु हुन्थ्यो । (शाफिई (रह.)) नाफिअको भनाई अनुसा...