१) उम्मे सलमा (रजि.) को बारेमा भनाई छ कि उन (रजि.) ले अल्लाहका रसूल (स.) सँग एउटा स्त्रीको विषयमा प्रश्न गरिन् जसको प्रत्येक महिना हुने हैजको अवधि भन्दा पनि बढी रक्तस्राव भइरहेको थियो । उहाँ (स.) ले भन्नुभयो, “(प्रत्येक) महिना जति दिन उसलाई महिनावारी हुने गर्दथ्यो, त्यति दिनलाई महिनावारी मानेर नमाज छोड्ने । (त्यो अवधि सकिएपछि) उसले गुस्ल गर्ने र आफ्नो गुप्ताङ्गमा पट्टि राखेर नमाज पढ्नुपर्छ ।” (अबू दाऊद, इब्ने मजा, नसई, मुअत्ता)
२) फातिमा बिन्त अबी हुबैश (रजि.) सँग अल्लाहका रसूल (स.) ले भन्नुभयो, “जबसम्म रगत महिनावारीको हुन्छ त्यो कालो हुन्छ र चिनिन सक्ने हुन्छ । जबसम्म यस्तो रगत आउँछ नमाज पढ्नुहुदैन र यदि रगत अर्कै रङ्गको भयो भने तिमी (गुस्ल गरिसकेपछि) वुजु गर र नमाज पढ किनभने यो रक्तस्राव हो र यो रगत रक्त नलीबाट निस्केको हो । (अबू दाऊद, नसई, इब्ने माजा, इब्ने हिब्बान, दार कुत्नी)
३) जम्ना बिन्त जहश (रजि.) को भनाई छ, “मलाई धेरै दिनसम्म महिनावारी आउँथ्यो । एक दिन म अल्लाहका रसूल (स.) को समक्ष उपस्थित भएँ । उहाँ (स.) मेरी बहिनी जैनब बिन्त जहश (रजि.) (उहाँ (स.) कि पत्नी) को घरमा हुनुहुन्थ्यो । मैले भनें, “हे अल्लाहका रसूल ! मलाई धेरै दिनसम्म महिनावारी आउँछ । तपाईले हैजको अवस्थामा रोजा राख्न र नमाज पढ्नबाट मनाही गर्नु भएको छ । अब मेरो बिषयमा तपाई के भन्नु हुन्छ ?” उहाँ (स.) ले भन्नुभयो “कपास प्रयोग गर । यसले रक्तस्राव बन्द हुनेछ ।” मैले भनें “यो (रगत) यसभन्दा (कपास भन्दा) पनि धेरै हुन्छ ।” उहाँ (स.) ले भन्नुभयो “त्यसो भए लुगा राख ।” मैले फेरी भनें “यो (रक्तस्राव) धेरै छ । “उहाँ (स.) ले भन्नुभयो “त्यसो भए म तिमीलाई दुईवटा अवस्थाहरुको आदेश दिदैछु । तिमी ती मध्ये कुनै एक गर त्यो तिम्रो लागि पर्याप्त हुनेछ । तिमी कुन गर्न सक्छौ त्यो तिमीलाई थाहा छ । यो शैतानको प्रहार हो । तिमी आफ्नो महिनावारीलाई ६ वा ७ दिनको मान, जुन अल्लाहलाई राम्ररी थाहा छ, अनि गुस्ल गर यहाँसम्म कि तिमीलाई अनुमान होस् कि तिमी पवित्र भई सक्यौ । अनि २३ वा २४ दिन (प्रत्येक नमाजको लागि नयाँ वुजु गरेर) नमाज पढ र रोजा राख । यो (अवस्था) तिम्रो लािग पर्याप्त छ जस्तै कि साधारणतया स्त्रीहरुलाई प्रत्येक महिना एउटा निश्चित समयमा महिनावारी हुन्छ र फेरी उनीहरु गुस्ल गरेर पवित्र हुन्छन् । यसरी नै तिमी पनि गर । र यदि तिमीमा सामथ्र्य छ भने (अर्थात दोस्रो अवस्था यो हो कि तिमी जोहरको नमाजलाई अन्तिम समयसम्म ढीला गर र अस्रको नमाजलाई त्यसको प्रथम समयमा ल्याऊ अनि गुस्ल गरेर दुबै नमाज सँगै पढ । फेरी मग्रिबको नमाजलाई त्यसको अन्तिम समयमा सार र ईशाको नमाजलाई त्यसको प्रथम समयमा ल्याऊ र गुस्ल गरेर दुबै नमाजसँगै पढ । अनि बिहान गुस्ल गरेर फज्रको नमाज पढ । यसरी नै तिमी नमाज पढ र रोजा राख । यदि तिमी यस्तो गर्न सक्यौ (अथाृत दोस्रो अवस्था अनुसार गर्न सक्यौ भने यो मेरो नजरमा धेरै मनपर्ने तरिका हो । (अहमद, अबू दाऊद, तिर्मिजी, नसई, इब्ने माजा)
४) आइशा (रजि.) को भनाई अनुसार अल्लाहका रसूल (स.) ले फातिमा बिन्त हुबैश (रजि.) लाई भन्नुभयो, “महिनावारीको अवस्थामा नमाज नपढ अनि (इस्तिहाजाका दिन सुरु भए पछि) गुस्ल गर र प्रत्येक नमाजको लागि नयाँ वुजु गर । (अह्मद, इब्ने माजा, तिर्मिजी, अबू दाऊद, नसई)
*इमाम मालिक (रह.) का अनुसार इस्तिहाजाको अवस्थामा प्रत्येक नमाजको लागि वुजु गर्नु जरुरी छैन बरु उत्तम हो । यिनीहरुको अनुसार हदीसमा अल्लाहका रसूल (स.) को आदेश अनिवार्यताको लागि होईन बरु मुस्तहब (उत्तम) हुनको लागि हो । बाँकी सम्पूर्ण इमामहरुको अनुसार प्रत्येक नमाजको समयमा वुजु गर्नु जरुरी रहेको छ तर हनफी र हम्बली बिद्वानहरुका अनुसार वुजु नमाजको लागि होईन बरु नमाजको समयको लागि जरुरी हो यस मत भिन्नताको अर्थ यो हो कि हनफी र हम्बली विद्वानहरुको अनुसार एक भन्दा बढी फर्ज नमाजहरु (त्यस समयको फर्ज नमाज र पहिले छ्टेका फर्ज नमाजको कजा) पढ्न सकिन्छ र अरु विद्वानहरुको नजरमा केवल एउटा फर्ज नमाज पढ्न सकिन्छ । (अल्–कौकब अल्–दुर्री, तुह्फत् अल्–अहवजी, अल्–मुग्नी)
**इस्तिहाजाको अवस्थामा स्त्री सम्पूर्ण कामहरु (नमाज, रोजा, कुरआनको तिलावत, संभोग आदि) गर्न सक्छिन् जसको महिनावारीको अवस्थामा अनुमति छैन । संभोग बाहेक अरु सम्पूर्ण कामहरुमा सबैको सहमति छ तर संभोगको विषयमा मत भिन्नता छ । अधिकतम विद्वानहरुका अनुसार संभोगको पनि अनुमति रहेको छ । (औजज् अल्–मसालिक)
टिप्पणियाँ