१) इमरान बिन् हुसैन (रजि.) भन्छन्, हामी एक चोटि अल्लाहका रसूल (स.) सँग यात्रामा थियौं । उहाँ (स.) ले नमाज पढाउनुभयो अनि देख्नुभयो कि एउटा व्यक्ति कुनामा एक्लै उभिरहेको छ । उहाँ (स.) ले सोध्नुभयो, “तिमीले नमाज किन नपढेको ?” उसले भन्यो “म अपवित्र छु र पानी भेटिरहेको छैन । “उहाँ (स.) ले भन्नुभयो “माटोको प्रयोग गर त्यो तिम्रो लागि पर्याप्त छ ।” (बुखारी र मुस्लिम)
२) अबू जर (रजि.) को भनाई छ कि अल्लाहका रसूल (स.) ले भन्नुभयो, “जस कसैले १० वर्षसम्म पानी भेट्दैन भने माटो उसको लागि पवित्र हो (पवित्र हुने साधन हो) । (अबू दाऊद, तिर्मिजी, नसई इब्ने माजा)
३) जाबिर (रजि.) भन्नुहुन्छ कि हामी केही व्यक्तिहरु यात्रामा थियौं । हामी मध्ये एक जनालाई ढुङ्गाले टाउकोमा घाउ भयो । अनि उसलाई स्वप्नदोष भयो । उसले आफ्ना साथीहरुलाई सोध्यो, “के मेरो लागि तयम्मुम् गर्ने अनुमति छ ?” उनीहरु भने, “तिमीसित पानी छ त्यसकारणले हामीलाई लाग्दैन कि तिम्रो लागि तयम्मुम् गर्ने अनुमति होला ।” उसले गुस्ल गर्यो अनि उसको मृत्यु भयो । जब हामी अल्लाहका रसूल (स.) समक्ष आयौं र उहाँ (स.) लाई यस अवस्थाको ज्ञात भयो तब उहाँ (स.) ले भन्नुभयो, “उनीहरुले उसको हत्या गरिदिए, अल्लाह उनीहरुलाई मारुन् । यदि उनीहरुमा ज्ञान थिएन भने तिनीहरुले किन सोधेनन् । यसै कारणले अज्ञानताको उपचार सोध्नु हो । त्यस व्यक्तिको लागि तयम्मुम् गर्नु पर्याप्त थियो र घाउलाई लुगाले बेरेर त्यसमा मसह (हात फेर्ने काम) गरे हुन्थ्यो र बाँकी शरीरलाई धोए हुन्थ्यो । (अबू दाऊद, इब्ने माजा, दार कुत्नी, इब्न अल्–सकन)
४) अम्र बिन अल्–आस (रजि.) ले भन्नुभयो, “हामीलाई जात अल्–सलासिल्” को युद्धमा पठाइयो । एक रात जब धेरै जाडो थियो म माथि गुस्ल अनिवार्य भयो । मलाई भय भयो कि यदि मैले गुस्ल गरें भने म मर्नेछु । यस कारणले मैले तयम्मुम् गरे र फज्रको नमाज पढाएँ । जब हामी मदीनामा फिर्ता भयौं, सबैले अल्लाहका रसूल (स.) लाई यस विषयमा सोध्यौं उहाँ (स.) ले भन्नुभयो, “हे अम्र ! तिमीले अपवित्रताको अवस्थामा नमाज पढाएको ?” मैले भनें “मैले कुरआनको यो आयतलाई सम्झें “र आत्महत्या नगर । निसन्देह अल्लाह तिमीहरु प्रति अति दयालु छन् ।” (सूरह अल्–निसा) । यस कारणले मैले तयम्मुम् गरेर नमाज पढें । अल्लाहका रसूल (स.) हाँस्नु भयो र अरु केही भन्नु भएन । (अहमद अबु् दाऊद, हाकिम, दार कुत्नी, इब्ने हिब्बान)
टिप्पणियाँ