१) अब्दुल्लाह बिन जैद (रजि.) को भनाई छ कि शुरुमा जब अल्लाहका रसूल (स.) ले नमाजको लागि शंख बजाएर सबैजनालाई भेला गर्ने आदेश दिनुभयो । एकरात म सुतिरहेको थिएँ, स्वप्नमा एउटा मान्छे आएर मेरो परिक्रमा गर्न थाल्यो । उसको हातमा एउटा शंख थियो । मैले उसलाई सोधें “हे अल्लाहका भक्त! के तिमी यो शंख बेच्ने हो?उसले सोध्यो, “तिमी यसले के गर्छौ?” मैले भनें, “हामी यसको सहयोगले मानिसहरुलाई नमाजको लागि आह्वान गर्नेछौं । उसले भन्यो, “के म तिमीलाई यस भन्दा राम्रो तरिका सिकाउँ ?” मैल भनेें “अवश्य” । उसले भन्यो “तिमी भनः
‘अल्लाहु अक्बर, अल्लाहु अक्बर, अल्लाहु अक्बर, अल्लाहु अक्बर
अश्हदु अल्ला इलाह इल्लल्लाह, अश्हदु अल्ला इलाह इल्लल्लाह
अश्हदु अन्न मुहम्मदर् रसूलुल्लाह, अश्हदु अन्न मुहम्मदर् रसूलुल्लाह
हैय अलस्सलाह्, हैय अलस्सलाह्
हैय अलल् फलाह्, हैय अलल् फलाह्
अल्लाहु अक्बर, अल्लाहु अक्बर
ला इलाह इल्लल्लाह”
अर्थात :
“अल्लाह महान् छन्, अल्लाह महान् छन्, अल्लाह महान् छन्, अल्लाह महान् छन्
म गवाही दिन्छु कि अल्लाह बाहेक कोही उपास्या छैन, म गवाही दिन्छु कि अल्लाह बाहेक कोही उपास्था छैन
म गवाही दिन्छु कि मुहम्मद अल्लाहका रसूल हुन्, म गवाही दिन्छु कि मुहम्मद अल्लाका रसूल हुन्
नमाजको लागि आऊ नमाजको लागि आऊ
सफलताको लागि आऊ, सफलताको लागि आऊ
अल्लाह महान् छन्, अल्लाह महान छन्
अल्लाह बाहेक कोही उपास्य छैन”
त्यसपछि त्यो मान्छे अलि पछाडि सर्यो अनि भन्यो, “नमाजको लागि उभियौ, भन (अर्थात इकामतको लागि):
“अल्लाहु अक्बर, अल्लाहु अक्बर
अश्हदु अल्ला इलाह इल्लल्लाह
अश्हदु अन्न मुहम्मदर् रसूलुल्लाह
हैय अलस्सलाह्
हैय अलल् फलाह्
कद् कामतिस् सलाह्, कद् कामतिस् सलाह्
अल्लाहु अक्बर, अल्लाहु अक्बर
ला इलाह इल्लल्लाह”
अर्थातः
“अल्लाह महान् छन्, अल्लाह महान् छन्
म गवाही दिन्छु कि अल्लाह बाहेक कोही उपास्य छैन
म गवाही दिन्छु कि मुहम्मद अल्लाहका रसूल हुन्
नमाजको लागि आऊ
सफलताको लागि आऊ
नमाज उभियो, नमाज उभियो (नमाज सुरु हुन लाग्यो)
अल्लाह महान् छन्, अल्लाह महान् छन्
अल्लाह बाहेक कोही उपास्य छैन”
बिहान भएपछि मैले अल्लाहका रसूल (स.) समक्ष उपस्थित भएर यो आफ्नो स्वप्नलाई वर्णन गरें । उहाँ (स.) ले भन्नुभयो, “यो सपना सत्य हो, अल्लाहले चाहे भने । बिलालसँग उभियौ र जुन शब्दहरु तिमीले स्वप्नमा सुनेका थियौ ती शब्दहरुलाई भनिराख ताकि ऊ (बिलाल (रजि.) अजान दिन सकोस् किनभने उसको स्वर तिम्रो भन्दा ठूलो छ । “म बिलालसँग उभिएँ र ती शब्दहरु भन्न थालें अनि उनले अजान भने । “उमर (रजि.) ले जब यो अजान सुन्नुभयो त्यतिबेला उहाँ आफ्नो घरमा हुनुहुन्थ्यो । आफ्नो खास्टोका साथ उमर (रजि.) आउनुभयो अनि भन्नुभयो, “उसको कसम जसले तपाईलाई सत्यका साथ पठाउनुभएको छ मैले पनि यस्तै सपना देखेको छु ।” अल्लाहका रसूल (स.) ले भन्नुभयो “सम्पूर्ण प्रशंसा तथा धन्यबाद केवल अल्लाहकै लागि हुन् । (मुस्नद इमाम अहमद)
२) अबू मह्जुरा (रजि.) को भनाई छ कि अल्लाहका रसूल (स.) ले उनलाई यसरी अजान सिकाउनुभयोः
“अल्लाहु अक्बर, अल्लाहु अक्बर
अश्हदु अल्ला इलाह इल्लल्लाह
अश्हदु अन्न मुहम्मदुर् रसूलुल्लाह
हैय अलस्सलाह
हैय अलल् फलाह
अल्लाहु अक्बर, अल्लाहु अक्बर
ला इलाह इल्लल्लाह”
इमाम मालिक (रह.) को यसै हदीस अनुसार अमल रहेको छ । (सुबुल् अल्–सलाम)
*फज्रको नमाजको लागि दिइने अजानमा “हैय अलल् फलाह, हैय अलल् फलाह” पछि र “अल्लाहु अक्बर, अल्लाहु अक्बर” भन्दा पहिले दुई पटक “अस्सलातु खैरुम् मिनन् नौम” (नमाज निद्रा भन्दा उत्तम हो) भन्नुपर्छ ।
अबू मह्जूरा (रजि.) को भनाई छ, उनले अल्लाहका रसूल (स.) लाई सोधे, “हे अल्लाहका रसूल ! मलाई अजानको सुन्नत सिकाउनुहोस् ।” उहाँ (स.) ले उनलाई अजान सिकाउनुभयो र भन्नुभयो “यदि बिहान (फज्र)को अजान हो भने यसरी भन,
अस्सलातु खैरुम् मिनन् नौम, अस्सलातु खैरुम् मिनन् नौम’
अल्लाहु अक्बर, अल्लाहु अक्बर
ला इलाह इल्लल्लाह” (अहमद, अबु दाऊद)
टिप्पणियाँ