१) अल्लाहका रसूल (सल्लल्लाहु अलैहि व सल्लम) ले भन्नुभयो, "तिमीहरूमध्ये उत्तम ती मानिसहरू हुन् जो स्वयम् पनि कुरआन पढ्छन र अरुलाई पनि पढाउँछन् ।" (सहीह बुखारी)
२) अल्लाहका रसूल (सल्लल्लाहु अलैहि व सल्लम) ले भन्नुभयो, " अल्लाह भन्छन- जो कोही कुरआन पढ्नमा यति व्यस्थ हुन्छ कि दुआ वा अल्लाहको गुनगान गर्ने अवसर पाउँदैन, म उसलाई दुआ माग्नेहरू भन्दा बढी प्रतिदान प्रदान गर्छु । ईशवाणी (कुरआन) को उच्चता, अन्य वाणीहरूमाथि यस्तो छ जस्तो अल्लाहको उच्चता सम्पूर्ण प्राणीमाथि।" (सुनन दारमी)
३) अल्लाहका रसूल (सल्लल्लाहु अलैहि व सल्लम) ले अन्तिम हजको अवसरमा भन्नुभयो, "म तिमीहरूमाथि यस्तो चिज छोडेर जाँदैछु जसलाई दृढताका साथ समाती राखेमा तिमीहरू पथभ्रष्ट हुने छैनौ। एउटा 'अल्लाहको पुस्तक (कुरआन)' र दोस्रो 'मेरो सुन्नत (तरिका, हादीस)'।" (तर्गीब वा तर्हीब)
४) हजारत इब्ने अब्बास (रज़ियल्लाहू अन्हू) ले भन्नुभयो, "जसले अल्लाहको पुस्तक (कुरआन) को अनुसरण गर्नेछ ऊ न त यस संसारमा पथभ्रष्ट हुनेछ न आखिरतमा नै असफल.....!" (मिश्कात)
५) अल्लाहका रसूल (सल्लल्लाहु अलैहि व सल्लम) ले भन्नुभयो, "हसद(डाहा) गर्नु वैध छैन तर दुई किसिमका व्यक्तिहरूको बिषयमा मात्र :
१) एउटा त्यो व्यक्ति जो कुरआन पढ्छ र रातमा त्यसको तिलावत (पाठ) मा ब्यस्थ रहन्छ ।
२) दोस्रो त्यो व्यक्ति जसलाई अल्लाहले धन दिएका हुन्छन र ऊ दिनरात अल्लाहको मार्गमा खर्च गर्छ ।"
(सहीह बुखारी)
६) अबू शुरैह खजई (रजियल्लाहु अन्हु) ले भन्नुभयो, "एक दिन अल्लाहका रसूल (सल्लल्लाहु अलैहि व सल्लम) आफ्नो कोठाबाट निस्केर हामीहरूसमक्ष आएर भन्नुभयो, "के तिमीहरू साक्षी दिँदैनौ कि अल्लाह बाहेक अन्य कोही पुज्य छैन र म अल्लाहका रसूल हुँ ?" हामीहरूले भन्यौं, "अवश्य नै, हे अल्लाहका रसूल।" अल्लाहका रसूल (सल्लल्लाहु अलैहि व सल्लम) ले भन्नुभयो, "हेर ! अल्लाहको किताब कुरआनको एउटा किनारा अल्लाहको हाथमा छ र अर्को किनारा तिमीहरूको हाथमा, अतः यस कुरआनलाई बलियोसँग समाती राख, तिमीहरू कहिल्यै पथभ्रष्ट हुनेछैनौ न नै बरबाद हुनेछौ ।" (हदीस)
७) अबू हुरैरह (रजियल्लाहु अन्हु) भन्नुहुन्छ अल्लह्का रसूल (सल्लल्लाहु अलैहि व सल्लम) ले भन्नुभयो, "कुरआन मजीदमा पाँच वता कुरा बयान गरिएका छन्- हलाल (बैध), हराम (अबैध), मुह्कम (सुस्पष्ट), मुतशाबह (लाक्षणिक) र अम्साल (कथा तथा उदाहरनहरू) । तसर्थ बैधलाई बैध जान र अबैधलाई अबैध! मुह्कम (कुरआनको त्यो भाग जसमा कानून बयान गरिएको छ) अनुसार कर्म गर र मुतशाबह (कुरआनको त्यो भाग जसमा आखिरत, स्वर्ग, नरकको वर्णन छ) को खोजतलासमा नलाग र अम्सालबाट नसीहत प्राप्त गर ।" (मिश्कात)
टिप्पणियाँ