बकरा ईद

१) अकरअ बिन जाबिर (अल्लाह उनीसँग प्रसन्न होउन) ले अल्लाहका रसूल (उनीमाथि शान्ति होस्) सँग सोधे, हे अल्लाहका रसूल ! हज प्रत्येक वर्ष अनिवार्य छ वा जीवनमा एकपल्ट मात्र ? उहाँमाथि शान्ति होस् ले भन्नुभयो, "प्रत्येक वर्ष होईन बरु जीवनमा एकपल्ट मात्रै, जो एक भन्दा बढी हज गर्छ त्यो एच्छिक हो ।" (अबू दाऊद)

२) अबू हुरैरह (अल्लाह उनीसँग प्रसन्न होउन) को भनाई छ कि मैले अल्लाहका रसूल (उनीमाथि शान्ति होस्) ले भन्दै गरेको सुनें, "जसले अल्लाहको लागि हज गर्‍यो, न सहवास गर्‍यो न अपशब्द नै भन्यो ऊ फर्कदा भर्खर आमाको कोखबाट जन्मे झैं भएर फर्कनेछ ।" (बुखारी)

३) बुरैदह (अल्लाह उनीसँग प्रसन्न होउन) को भनाई छ कि अल्लाहका रसूल (उनीमाथि शान्ति होस्) ईदुल फित्रको दिन केही खाएर नमाज पढ्नको लागि जानु हुन्थ्यो र ईदुल अदहा (बकरा ईद) को दिन (नमाज पढेर) फर्केपछि  आफूले गरेको कुर्बानीको मासु खानु हुन्थ्यो । (अहमद)

४) जैद बिन अर्कम (अल्लाह उनीसँग प्रसन्न होउन) को भनाई छ कि अल्लाहका रसूल (उनीमाथि शान्ति होस्) का सहाबी (साथि) हरुले भने, हे अल्लाहका रसूल ! यी कुर्बानीहरु के हुन ? वहाँ (माथि शान्ति होस्)  ले भन्नुभयो, तिमीहरुको बुवा इब्राहीम को सुन्नत हो । उनीहरुले फेरी सोधे यसमा हामीहरुको लागि के रहेको छ हे अल्लाहका रसूल ? वहाँमाथि शान्ति होस्  ले भन्नुभयो, प्रत्येक कपालको बदलाम एउटा पुण्य रहेको छ । उनीहरुले फेरी सोधे, ऊन पनि यसमा समावेस गरिएको छ ? वहाँ (माथि शान्ति होस्) ले भन्नुभयो,ऊनको प्रत्येक कपालको बदलामा एक पुण्य रहेको छ ।(इब्ने मज) 

५) जब अल्लाहका रसूल (उनीमाथि शान्ति होस्) हिज्रत (पलायन) गरेर मदीना जानुभयो, (त्यहाँ) मानिसहरुले वर्षमा दुईचोटी खुशी मनाउने गरेको देख्नुभयो । वहाँ (माथि शान्ति होस्) ले सोध्नुभयो, "यी कुन दिनहरु हुन ?" मानिसहरुले जवाफ दिए, "हामी यी दिनहरुलाई अज्ञानताको कालदेखी नै मनाउँदै आइरहेका छौं (अर्थात यी हाम्रा पुराना पर्वहरु हुन्) ।" अल्लाहका रसूल (उनीमाथि शान्ति होस्) ले भन्नुभयो,"अल्लाहले यी दुई दिनको सट्टा तिमीहरुलाई राम्रा दुईदिन दिएका छन अर्थात ईदुल अदहा (बकरा ईद) र ईदुल फित्र ।" (रमजान महिनापछिको ईद) । (मिश्कात)

६) अबू हुरैरह (अल्लाह उनीसँग प्रसन्न होउन) को भनाई छ, अल्लाहका रसूल (उनीमाथि शान्ति होस्) ले भन्नुभयो, "जो (कुर्बानी गर्ने) सामर्थ्य राखेर पनि कुर्बानी गर्दैन ऊ हाम्रो ईदगाह (ईदको नमाज पढ्ने ठाउँ) मा नआओस ।" (अहमद)

७) जाबिर (अल्लाह उनीसँग प्रसन्न होउन) को भनाई छ कि मैले अल्लाहका रसूल (उनीमाथि शान्ति होस्) सँग बकरा ईदको नमाज पढें । जब उहाँ फर्कनुभयो वहाँलाई भेंडा दिइयो । तब उहाँले त्यसलाई जबह (कुर्बानी) गर्नुभयो र भन्नुभयो "बिस्मिल्लाहि व अल्लाहु अक्बर, अल्लाहुम्म हाजा अन्नी व अम्मन लम् युजह्ही मिन उम्मती ।" अर्थ: शुरु अल्लाहको नामबाट र अल्लाह महान छन । हे अल्लाह ! यो मेरो तर्फबाट र मेरो समुदायका ती सम्पूर्ण मानिसहरुको तर्फबाट जसले कुर्बानी गरेका छैनन । (तिर्मिजी)

८) अबू उबैद मौला बिन अजहर (अल्लाह उनीसँग प्रसन्न होउन) को भनाई छ, मैले उमर (अल्लाह उनीसँग प्रसन्न होउन) सँग ईदको नमाज पढें । वहाँ (उमर) ले पहिले नमाज पढाउनुभयो र फेरी खुत्बा (उपदेश) दिनको लागि उभिनुभयो र भन्नुभयो, "हे मानिसहरु हो! अल्लाहका रसूल (उनीमाथि शान्ति होस्) ले तिमीहरुलाई यी दुईटै ईदमा रोजा राख्न मनाही गरेका छन । ती मध्ये एउटा त तिमीहरुको (रमजान महिनाको) रोजा को इफ्तार (रोजाको महिनालाई समाप्त गर्ने) को दिन हो र दोस्रो ईदको दिन तिमीहरु आफ्नो कुर्बानीको मासु खान्छौ ।" (बुखारी)

९) याह्या बिन सईदको भनाई छ कि मैले अबू उमामह बिन सहल अन्सारी (अल्लाह उनीसँग प्रसन्न होउन) बाट सुनें, उनी भन्छन कि हामी मदीना (अरबको एउट शहर) मा कुर्बानीको जनावरलाई राम्ररी खुवाएर मोटो पार्छौं र मुसल्मानहरु यसै गर्छन । (बुखारी) 

१०) बारा बिन आजिब (अल्लाह उनीसँग प्रसन्न होउन) को भनाई छ अल्लाहका रसूल (उनीमाथि शान्ति होस्) ले भन्नुभयो, "पहिलो काम जसबाट हामी आजको दिनलाई आरम्भ गर्छौं त्यो हो नमाज । फेरी हामी फर्कन्छौं र कुर्बानी गर्छौं (बली दिन्छौं) । जसले यसो गर्‍यो उसले हाम्रो सुन्नत (तरिका) बमोजिम गर्‍यो । जसले (नमाज पढ्नु भन्दा) पहिले नै कुर्बानी गर्‍यो उसले कुर्बानी गरेन बरु आफ्नो घर परिवारको लागी मासु तयार पार्‍यो ।" (बुखारी)