अल्लाहका रसूल (स.) ले जाबिर (रजि.) लाई यमनमा जुन चिठ्ठी पठाउनु भएको थियो त्यसमा उहाँ (रजि.) लाई मार्ग दर्शन दिनु भएको थियो “कुरआनलाई केवल पवित्रहरु मात्र छोओस” (नसई, दारकुत्नी, बैहकी) यो हदीस मुतवातिर जस्तै हो (एकदम ठीक हो) । (इब्ने अब्दुल्बर)
१) अली (रजि.) भन्छन्, मैले अल्लाहका रसूल (स.) लाई देखें कि उहाँ ले वुजु गर्नुभयो अनि पवित्र कुरआनका केही आयतहरुको वाचन गर्नुभयो र भन्नुभयो, “जो अपवित्र अवस्थामा छैन उसले यसै गरोस् (अर्थात कुरआनको तिलावत गरोस्) तर जो अपवित्र अवस्थामा छ उसले कुरआनको एउटा आयतको पनि तिलावत नगरोस्” (अहमद, अबू यअ्ला)
३) आईशा (रजि.) को भनाई छ कि जब अल्लाहका रसूल (स.) मदिना जानुभयो र उहाँ (स.) ले त्यहाँ मस्जिद बनाउनुभयो त केही सहाबीहरुको घर मस्जिदमा खुल्थ्यो अर्थात उनीहरुको घर मस्जिदमा थियो । उहाँ (स.) ले भन्नुभयो, “ती घरहरुको दिशा परिवर्तन गरेर मस्जिदबाट अर्को तर्फ गरिदेऊ । “अनि एकपल्ट अल्लाहका रसूल (स.) ले देख्नुभयो कि कसैले पनि आफ्नो घरको दिशाा यो सोचेर परिवर्तन गरेनन् कि सायद अल्लाह तआला यस विषयमा कुनै छुट दिने छन् । अनि अल्लाहका रसूल (स.) ले भन्नुभयो, “यी घरहरुको दिशा मस्जिदबाट हटाएर अर्कोतिर गरिदेऊ किनभने अपवित्र पुरुष र महिनावारीको अवस्थामा भएकी स्त्रीले मस्जिदमा बस्ने अनुमति छैन ।” (अबू दाऊद)
टिप्पणियाँ