१) अबू
हुरैरह (रजि.) को भनाई अनुसार अल्लाहका रसूल (स.) ले भन्नुभयो, “यदि
तिमीहरु मध्ये कोही नमाज पढाइरहेको छ भने उसले छोटो नमाज पढाओस् किनभने
मुक्तदीहरुमा कमजोरहरु पनि हुन्छन्, बिरामीहरु पनि र वृद्धाहरु पनि हुन्छन्
। एक्लै नमाज पढ्दा उसले लामो नमाज पढ्नु राम्रो हो ।” (बुखारी, मुस्लिम,
अबू दाऊद, तिर्मिजी, नसई)
२)
अनस (रजि.) को भनाई अनुसार अल्लाहका रसूल (स.) ले भन्नुभयो ,“मैले नमाज
सुरु गरेपछि लामो नमाज पढाउने मेरो इच्छा हुन्छ तर बच्चाले रोएको आवाज
सुनेर म नमाजलाई यो सोचेर छोटो पारि दिन्छु कि बच्चाको आमालाई उसले रोएको
कारणले छटपटी भइरहेको होला । (बुखारी, मुस्लिम, अबू दाऊद, तिर्मिजी, नसई,
इब्ने माजा)
३) अबू कतादा (रजि.) को भनाई अनुसार अल्लाहका रसूल (स.) जोहरको नमाजमा पहिलो रकअतलाई बाँकी आयतहरुको तुलनामा लामो पढ्ने गर्नु हुन्थ्यो । यसरी नै अस्रमा र फज्रमा गर्नुहुन्थ्यो । (बुखारी, मुस्लिम, अबू दऊद)
*अबू दाऊदमा यो वाक्य बढी उल्लेख भएको छ “हामीलाई लाग्थ्यो कि अल्लाहका रसूल (स.) ले यसो गर्नुको कारणले मानिसहरु पहिलो रकअतमा सामेल हुन सकुन् ।”
४) अबू सईद खुद्री (रजि.) भन्छन्, “नमाज सुरु भएपछि हामी मध्ये कोही बकीअ जान्थ्यो र शौच गरेर आउँथ्यो र वुजु गरेर पहिलो रकअतमा सामेल हुन्थ्यो किनभने अल्लाहका रसूल (स.) पहिलो रकअतलाई लामो पार्नुहुन्थ्यो ।” (अह्मद, मुस्लिम, इब्ने माजा, नसई)
*इमाम अबू हनीफा (रह.), मालिक (रह.), औजाई (रह.) र अबू युसुफ (रह.) का अनुसार मानिसहरुको प्रतिक्षामा नमाजलाई लामो गर्नु मक्रुह हो । इमाम अह्मद बिन हम्बल (रह.) र इस्हाक (रह.) को मस्लक अनुसार यदि प्रतिक्षा गर्नुको कारणले अरु मुक्तहीहरुलाई गाह्रो हुँदैन भने यसको अनुमति छ अन्यथा छैन । (नैल–अल्– औतार)
५) हल्ब (रजि.) भन्छन्, “अल्लाहका रसूल (स.) हामीलाई नमाज पढाउनुहुन्थ्यो (सलाम फेरे पछि) उहाँ (स.) दाहिने वा देब्रेतिर फर्केर हाम्रो तर्फ अनुहार गर्नुहुन्थ्यो ।” (तिर्मिजी)
६) बरा बिन आजिब (रजि.) भन्छन्, “हामी अल्लाहका रसूल (स.) को पछाडि नमाज पढ्थ्यौं अनि यो इच्छा गथ्र्यौे कि हामी उहाँ (स.) को दाहिने तर्फ बसौं किनभने उहाँ (स.) सलाम फेरे पछि दाहिने तर्फ फर्कदा हामी उहाँ (स.) को अगाडि रहन्थ्यौं । (अर्थात उहाँ (स.) अधिकांश समय दाहिने तर्फ फर्कनुहुन्थ्यो) । (अबू दाऊद)
७) मुगीरा बिन शुअ्बा (रजि.) को भनाई अनुसार अल्लाहका रसूल (स.) ले भन्नुभयो “इमामले फर्ज नमाज पढाएको ठाउँमा अरु नमाजहरु पढ्नु हुँदैन बरु त्यस ठाउँबाट हटेर अर्को ठाउँमा नमाज पढ्नुपर्छ ।” (अबू दाऊद, इब्ने माजा)
टिप्पणियाँ