मस्जिदे हराममा प्रवेश गर्ने संस्कारको उल्लेख

१) जाबिर (रजि.) को भनाई अनुसार सूर्य धेरै माथि उठेपछि अल्लाहका रसूल (स.) ले मक्का मुअज्जामा प्रवेश गर्नुभयो र बनी शैबाको ढोकाको धेरै नजिक आफ्नी उँटनीलाई बसाउनु भयो र मस्जिदमा प्रवेश गर्नुभयो । (मुस्लिम, अबू दाऊद, आदि)

२) हुजैफा बिन उसैद (रजि.) को भनाई अनुसार अल्लाहका रसूल (स.) कअ्बा तिर हेर्दा दुआ गर्नु हुन्थ्योः

हे अल्लाह ! आफ्नो यस घरको प्रतिष्ठा सम्मान र गरिमामा अभिवृद्दि गर । (तबरानी)

३) इमाम सईद बिन मुसैयिब (रह.) को भनाई छ, मैले उमर (रजि.) ले यस्तो दुआ गरेको देखें जसलाई सुन्नेहरुमध्ये म बाहेक अरु कोही जीवित छैन ।

हे अल्लाह ! तिमी सलामति हौ र तिमी नै सलामतिका स्रोत हौ । तसर्थ, हे हाम्रा पालनकर्ता, हामीलाई सलामतिका साथ जीवित राख । (बैहकी)

४) मक्हूल (रह.) को भनाई अनुसार अल्लाहका रसूल (स.) मक्का मुकर्रमामा प्रवेश गरेर कअ्बा देखेपछि उहाँ (स.) हात उठाउनु हुन्थ्यो र अल्लाहु अक्बर भनेर यो दुआ गर्नु हुन्थ्योः

हे अल्लाह ! तिमी नै सलामती हौ र तिमी नै सलामतीको स्रोत हौ । तसर्थ हे हाम्रा पालनकर्चा ! हामीलाई सलामतीका साथ जीवित राख । हे अल्लाह ! यस घरको सम्मान, प्रतिष्ठा र गरीमामा अभिबृद्धि गर । र जो व्यक्ति यसको हज वा उम्रह गर्छ उसको प्रतिष्ठा, सम्मान र प्रतिदानमा अभिवृद्धि गर । (बैहकी)

५) आइशा (रजि.) को भनाई अनुसार अल्लाहका रसूल (स.) मक्का मुअज्जमा पुग्नुभयो अनि उहाँ (स.) ले वुजू गर्नुभयो अनि कअ्बाको तवाफ गर्नुभयो ।  (बुखारी र मुस्लिम)