तल्बिया

१) उम्मे सलमा (रजि.) भन्छिन्, “मैले अल्लाहका रसूल (स.) लाई भन्दै गरेको सुनेको छु “हे मुहम्मदका वंशका मानिसहरु हो ! तिमीहरूमध्येबाट जो हज गर्छ उसले तल्बिया भनोस् ।” (अह्मद)

२) जाबिर (रजि.) को भनाई अनुसार अल्लाहका रसूल (स.) ले भन्नुभयो “यदि कुनै व्यक्तिले दिन हुनासाथ इह्राम बाध्यो र तल्बिया भन्यो (र ऊ यसै अवस्थामा हुँदा) सूर्यास्त भयोभने सूर्य उसका पापहरुलाई लिएर अस्ताउँछ र ऊ पापहरुबाट यसरी पबित्र हुन्छ जसरी ऊ आफ्नो जन्मको दिन थियो ।” (अह्मद, इब्ने माजा, बैहकी, तबरानी)

३) अब्दुल्लाह बिन मस्ऊद (रजि.) को भनाई अनुसार अल्लाहका रसूल (स.) ले भन्नुभयो “सबैभन्दा उत्तम हज त्यो हो जसमा अज् (आवाज ठूलो पार्नु) र सज् (रगत बगाउनु) हुन्छ । अज्को अर्थ तल्बिया हो र सज्को अर्थ कुर्बानी हो ।” (मुस्नद अबी यअ्ला)

४) अब्दुल्लाह बिन उमर (रजि.) भन्छन्, मैले अल्लाहका रसूल (स.) लाई तल्यिा भन्दा यी शब्दहरु भन्नु भएको सनें

لَبَّيْكَ اللَّهُمَّ لَبَّيْكَ ، لَبَّيْكَ لَا شَرِيكَ لَكَ لَبَّيْكَ ، إِنَّ الْحَمْدَ وَالنِّعْمَةَ لَكَ وَالْمُلْكَ ، لَا شَرِيكَ لَكَ

अर्थः म उपस्थित छु । हे अल्लाह ! म उपस्थित छु, म उपस्थित छु, तिम्रो कोही साझेदार छैन, म उपस्थित छु । निसन्देह सारा प्रशंसा एवं धन्यवाद र अनुग्रह तिम्रै हुन् र शासन पनि तिम्रै हो । तिम्रो कोही साझेदार छैन ।

उहाँ (स.) यी शब्दहरु भन्दा बढी शब्दहरु भन्नु हुन्नथ्यो ।” (बुखारी, मुस्लिम, अह्मद, बैहकी, हाकिम, अबू दाऊद, तिर्मिजी, नसई, इब्ने माजा, आदि)

५) खुजैमा बिन साबित (रजि.) को भनाई अनुसार अल्लाहका रसूल (स.) तल्विया भन्न सकाए पछि अल्लाह तआला सित क्षमा याचना, अल्लाहको प्रसन्नता प्राप्ति र आगोबाट मुक्ति माग्नु हुन्थ्यो । (तबरानी)

६) जाबिर बिन अब्दुल्लाह (रजि.) को भनाई अनुसार अल्लाहका रसूल (स.) कुनै यात्रु दललाई देख्नु हुँदा, टिल्लोमा वा कुनै घाँटीबाट ओर्लनु हुँदा र फर्ज नमाज पछि र रातको अन्तिम प्रहरमा तल्बिया भन्नुहुन्थ्यो । (इब्ने असाकिर)

७) फज्ल बिन अब्बास (रजि.) को भनाई अनुसार अल्लाहका रसूल (स.) ले कुर्बानीको दिन जमरए उक्बामा कंकडहरु हान्ने कार्य (सक्दा) सम्म तल्बिया भन्नुभयो । (बुखारी, मस्लिम, अबू दाऊद, तिर्मिजी, नसई , अह्मद)

८) इब्ने अब्बास (रजि.) को भनाई छ “अल्लाहका रसूल (स.) उम्रहमा हजरे अस्वद चुमेपछि तल्वियालाई समाप्त पार्नुहुन्थ्यो ।” (तिर्मिजी)