नेपालीमा हदीस संग्रह

१) आइशा (रजि.) को भनाई अनुसार अल्लाहका रसूल (स.) ले एक रात मस्जिदमा नमाज पढ्नु भयो र धेरै जना उहाँ (स.) सँग सामेल भए । दोस्रो रात उहाँ (स.) ले नमाज पढ्नु भयो र अझै मानिसहरु सामेल भए । फेरी तेस्रो रात वा चौथो रात मानिसहरु भेला भए तर अल्लाहका रसूल (स.) बाहिर आउनु भएन । बिहान भएपछि उहाँ (स.) ले भन्नुभयो “मैले राती तिमीहरुलाई भेला भएको देखेको थिएँ तर मलाई केवल एउटा कुराले बाहिर आउनबाट रोक्यो र त्यो हो कि कतै यो नमाज तिमीहरुमाथि अनिवार्य नगरियोस् ।” यो रमजान महिनामा भएको थियो । (बुखारी , मुस्लिम , अबू दाऊद , नसई , इब्ने माजा , अह्मद , मालिक) २) उबै बिन कअ्ब (रजि.) को भनाई अनुसार उनी अल्लाहका रसूल (स.) समक्ष उपस्थित भए र सोधे “हे अल्लाहका रसूल ! आज राती (बितेको राती) मसँग एउटा अचम्मको घट्ना घट्यो ।” त्यस समय रमजान महिना चलिरहेको थियो । उहाँ (स.) ले भन्नुभयो , “ हे उबै ! त्यो के हो ?” उनले जवाफ दिए “मेरो घरमा केही महिलाहरुले मलाई भने , आज हामी कुरआन पढ्ने छैनौं , हामी त तपाइसँग नमाज पढ्नेछौं । अनि मैले उनीहरुलाई आठ रकअत नमाज पढाएँ । अनि वित्रको नमाज पढाएँ ।” अनि अल्लाहका रसूल (स) ले केह...

१) अबू हुरैरह (रजि.) को भनाई अनुसार अल्लाहका रसूल (स.) सँग सोधियो कि फर्ज नमाज पछि कुन नमाज सबैभन्दा उत्तम हो ? “ उहाँ (स.) भन्नुभयो , “ आधा रातको नमाज (अर्थात तहज्जुद) ।” (मुस्लिम , अबू दाऊद , तिर्मिजी , नसई , इब्ने माजा) २) अबू उमामा (रजि.) को भनाई अनुसार अल्लाहका रसूल (स.) ले भन्नुभयो , “ तिमीहरु रातमा कियाम गर (तहज्जुदको नमाज पढ) । किनकि तिमीहरु भन्दा पहिलेका असल भक्तहरुको यस्तो बानी थियो । (तहज्जुद पढ्नु) आफ्नो पालनकर्ताको निकटता प्राप्त गर्नु हो , यसले तिमीहरुको कुकर्मलाई मेटिदिन्छ र तिमीहरुलाई पापबाट बचाउँछ ।” (तिर्मिजी) ३) मुगीरा (रजि.) को भनाई अनुसार अल्लाहका रसूल (स.) ले राती कियाम गर्नुभयो र (यति लामो नमाज पढ्नुभयो कि) उहाँ (स.) का दुबै खुट्टाहरु सुन्निए । सहाबीहरु (रजि.) ले उहाँ (स.) सँग सोधे “हे अल्लाहका रसूल ! तपाईको त पहिले र पछिका सम्पूर्ण पापहरु क्षमा गरिएका छन् फेरी पनि तपाई किन यसो गर्नु हुन्छ ?” उहाँ (स.) ले भन्नुभयो , “ के म आफ्नो पालनकर्ताको आज्ञाकारी भक्त नबनुँ ?” ( बुखारी र मुस्लिम) ४) अबू दर्दा (रजि.) को भनाई अनुसार अल्लाहका रसूल (स.) ले भन्नुभयो ...

१) खारिजा बिन हुजाफा (रजि.) को भनाई अनुसार अल्लाहका रसूल (स.) ले भन्नुभयो “अल्लाह तआलाले तिमीहरुको सहयोग यस्तो नमाजले गरेका छन् जुन तिमीहरुको निम्ति रातो उँटहरुभन्दा उत्तम रहेको छ । हामीले भन्यौं , “ हे अल्लाहका रसूल ! त्यो नमाज कुन हो ?” उहाँ (स.) ले भन्नु भयो , “ वित्रको नमाज । यस नमाजको समय इशाको नमाजपछि देखि फज्रको नमाजको समय हुन्जेलसम्म हो ।” (अबु दाऊद , तिर्मिजी , इब्ने माजा , अह्मद) २)  अली (रजि.) को भनाई अनुसार अल्लाहका रसूल (स.) ले भन्नुभयो , “ हे कुरआनवालाहरु हो ! वित्रको नमाज पढ किनकि अल्लाह तआला वित्र (बिजोर) हुन् र वित्रलाई मन पराउँछन् ।” (अबू दाऊद , इब्ने माजा) ३)  अली (रजि.) भन्छन् , “ वित्रको नमाज फर्ज नमाजसरह अनिवार्य होइन तर यो नमाज त्यो सुन्नत हो जसलाई अल्लाहका रसूल (स.) कायम गर्नु भएको हो ।” (अह्मद , नसई , तिर्मिजी) ४)  तल्हा बिन अब्दुल्लाह (रजि.) को भनाई अनुसार नज्दका बासिन्दाहरुमध्ये एक जना अल्लाहका रसूल(स.) को समक्ष आयो अनि सोध्यो , “ दिन र रातमा पाँच नमाजहरु बाहेक ममाथि अरु कुनै नमाज अनिवार्य छ ?” उहाँ (स.) ले भन्नु भयो , “ छैन तर तिम...

१)  अबू हुरैरह (रजि.) को भनाई अनुसार अल्लाहका रसूल (स.) ले भन्नुभयो , “ सूर्योदय भएका दिनहरुमध्ये सबैभन्दा उत्तम दिन शुक्रबारको दिन हो । यस दिन आदम (अ.) (संसारको पहिलो मनुष्य र नबी तथा रसूल) को जन्म भयो , यसै दिन उनले स्वर्गमा प्रवेश पाए र यसै दिन स्वर्गबाट निकालिए र कयामत पनि यसै दिन आउने छ ।” (मुस्लिम , अबू दाऊद , तिर्मिजी , नसई) २)  अबू सईद (रजि.) र अबू हुरैरह (रजि.) को भनाई अनुसार अल्लाहका रसूल (स.) ले भन्नुभयो , “ शुक्रबारको दिन एउटा यस्तो विशेष समय रहेको छ जसमा यदि एउटा मुस्लिम भक्त दुआ गर्छ र अल्लाहसित भलाई माग्दछ भने अल्लाह तआला उसलाई त्यो भलाई प्रदान गर्नेछन् र त्यो विशेष समय अस्रको नमाज (पढे) पछि को समय हो । (मुस्नद इमाम अहमद , ( रह.) ३)  जाबिर (रजि.) को भनाई अनुसार अल्लाहका रसूल (स.) ले भन्नुभयो , “ शुक्रबारको दिनमा बाह्र घण्टा (बाह्रवटा छोटा अवधिहरु) छन् जस मध्ये एक घण्टा यस्तो छ जसमा कुनै मुस्लिम भक्त यदि अल्लाह तआलासित माग्छ भने अल्लाह तआला उसको आवश्यकतालाई पूरा गरिदिन्छन् । तिमीहरु त्यस घण्टालाई अस्रको नमाजपछिको घण्टामा खोज ।” (नसई , अबू दाऊद , हा...

१) अबू हुरैरह (रजि.) को भनाई अनुसार अल्लाहका रसूल (स.) ले भन्नुभयो “संसारमा हाम्रो आउने समय सबैभन्दा अन्तिममा हो तर कयामतको दिन सबैभन्दा अगाडि हामी नै जानेछौं (अर्थात सबैभन्दा पहिले हाम्रो विषयमा नै फैसला सुनाइनेछ ) । तर उनीहरु (यहूदी र ईसाइहरु) लाई हामीहरु भन्दा पहिले इशग्रन्थ प्राप्त भएको थियो र हामीहरुलाई उनीहरुपछि प्राप्त भएको हो । यस दिन (अर्थात शुक्रबारको दिन) को सम्मान उनीहरुमाथि अनिवार्य गरिएको थियो तर उनीहरु यस विषयमा असहमत हुन पुगे । र अल्लाह तआलाले हामीहरुलाई (यसदिनको सम्मानको विषयमा सहमत हुन) मद्दत गरे । तसर्थ सम्पूर्ण मानिसहरु हामीहरु भन्दा पछाडि छन् । यहूदीहरु भोलिको दिन (अर्थात शनिवार) को सम्मान गर्छन् र ईसाईहरु पर्सिको दिन अर्थात आइतबार) को सम्मान गर्छन् ।” (बुखारी र मुस्लिम) २) अबू जअ्द दमरी (रजि.) को भनाई अनुसार अल्लाहका रसूल (स.) ले भन्नुभयो , “ जसले जुमअ्को सम्मान नगरी (अर्थात बिना कुनै जायजकारणले) लगातार तीनवटा जुमअ्लाई छोड्यो (जुमअ्को नमाज पढेन) भने अल्लाहले उसको हृदयमा मोहर लगाइदिए ।” (अबू दाऊद ,  तिर्मिजी ,  नसई ,  इब्ने माजा) ३) हफ...